" आज "
-दिलीप पोखरेल
गड्याङ् गुडुङ्ग गर्दै छ आज
आकाश पनि जोडजोडले कराएको छ आज
घाम पनि ओझेल पर्दै छ आज
धरती झनै अप्रत्यासित धड्कन बढाउदै थरथराएको छ आज
बादल पनि बसाँई सर्दै छ आज
चराचुरुङ्गीको चिरबिर चिरबिर आवाज हराएको छ आज
खिईसकेको फलामको डोल दलदल हिलोमा भाँसिएको छ आज
रुखो र सुख्खा माटोमा एक हल रामचन्द्र र बहादुर नेपालीको सम्बन्ध फेरि पनि गाँसिएको छ आज
कति सस्तो याे वर्षात् ..
पानी पनि जोडतोडले पर्दै छ आज
चिन्तीत् बस्ने हर्क बहादुर ....
माटो बग्ने चिन्ताले डराएको छ आज
छिनमा हलो...
छिनमा जुवा ....
छिनमा कोदालो ... गर्दै छ आज
दुनीयाँलाई खुवाउने जिम्मेवारी बोकेको किसान यो झरीमा असारे गित भन्दै खुसीले मर्दै छ आज ।।।
