त्यो गाउँ कहाँ पाईएला र ?
त्यो हरियाली पहाड, चराचुरुङ्गीको
कुहुकुहु गर्ने आवाज
कहाँ पाईएला र ?
ठुला बिल्डिङ अरुको गाउँमा रहेपनि
मेरो गाउँको जस्तो सानो झुप्रोमा रमाउने मानिस
कहाँ पाईएला र ?
सपिङ मलमा एकले अर्कालाई वास्ता नगरी हिड्ने भन्दा
मेरो गाउँको चिया पसलमा गफमा रमाउने मानिस
कहाँ पाईएला र ?
अरु ठाउँमा ठुलो–ठुलो अर्गनाईजेसनमा काम गर्ने भन्दा
मेरो गाउँमा सटिफिकेटलाई सिरानीमा राखेर सुत्ने मानिस
कहाँ पाईएला र ?
सिप, परिश्रम र संघर्ष गर्ने मानिस भन्दा
राजनीति र सोर्स फोर्समा जागिर खाने मानिस अर ठाउँमा
कहाँ पाईएला र ?
मैले आफ्नो गाउँको गलत हैन तितो सत्य
बोलेको भनेर विश्वास गरिदिने मानिस
कहाँ पाईएला र ?
मेरो गाउँको जस्तो सबै थाहा पाएर पनि शान्त रहने मासिन
कहाँ पाईएला र ?
खुट्टा अघि सार्दा,अर्कोले त्यही खुट्टा तानिदिने मानिस
कहाँ पाईएला र ?
शान्तिको प्रतिक गौतम बुद्धको त्यो गाउँ
अब कहाँ पाईएला र ?
– रिया घिमिरे
रतुवामाई नगरपालिका – ९ इटहरा मोरङ
