रसुवा बाढीमा मृत्यु हुने ३ सय ५९ पुगे

काठमाडौँ : रसुवामा आएको विनाशकारी बाढीका कारण अहिले ५ बजेसम्म ३ सय ५९ जनाको मृत्यु भएको पुष्टि भएको छ। रसुवामा १७ जना, नुवाकोटमा २८ जना, धादिङमा ३३ जना, चितवनमा १ सय ३२ जना, गोरखामा ३० जना, तनहुँमा २२ जना, नवलपरासी पूर्वमा ८२ र नवलपरासी पश्‍चिम १५ जना गरी ३ सय ५९ जनाको शव फेला परेको प्रहरी प्रधान कार्यालयले जनाएको छ।

प्रहरीले बाढीको जोखिममा रहेका विभिन्न जिल्लाका विभिन्न घर परिवारलाई सुरक्षित स्थानमा राख्ने, विभिन्न निकाय र स्थानीयवासीको समन्वय र सहयोगमा आवश्यक उद्दार एवम् खोजी गर्नुका साथै विभिन्न स्थानमा भएको बाटो अवरोध हटाउने कार्य समेत गरिरहेको जनाएको छ।